rakkha tha jise dil mein wo ab hai bhi nahin bhi
rakkhā thā jise dil meñ vo ab hai bhī nahīñ bhī
yūñhī mire jiine kā sabab hai bhī nahīñ bhī
pahuñchā hai tire mahr se qutbain kā mausam
din thā to nahīñ bhī thā ye shab hai bhī nahīñ bhī
fariyād ne sīkhī hai tirī vaz-e-tabassum
is ruḳh se ki sharminda-e-lab hai bhī nahīñ bhī
hairat-kada-e-dahr hai ik ḳhvāb kā aalam
dekhā jo is aalam meñ ajab hai bhī nahīñ bhī
mil jaa.e to katrā.ūñ jo kho jaa.e to DhūñDūñ
ye kaisī talab hai ki talab hai bhī nahīñ bhī
ye hijr kī dozaḳh hī bhalī jaisī hai sab hai
is vasl kī jannat se ki sab hai bhī nahīñ bhī
rakkha tha jise dil mein wo ab hai bhi nahin bhi
yunhi mere jine ka sabab hai bhi nahin bhi
pahuncha hai tere mahr se qutbain ka mausam
din tha to nahin bhi tha ye shab hai bhi nahin bhi
fariyaad ne sikhi hai teri waz-e-tabassum
is ruKH se ki sharminda-e-lab hai bhi nahin bhi
hairat-kada-e-dahr hai ek KHwab ka aalam
dekha jo is aalam mein ajab hai bhi nahin bhi
mil jae to katraun jo kho jae to DhunDun
ye kaisi talab hai ki talab hai bhi nahin bhi
ye hijr ki dozaKH hi bhali jaisi hai sab hai
is wasl ki jannat se ki sab hai bhi nahin bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
