iram ke nur se tera makan jalae gae

iram ke nuur se tiira makāñ jalā.e ga.e

charāġh ham the kahāñ ke kahāñ jalā.e ga.e

hamīñ ko us ne payambar kiyā mashī.at kā

hamīñ se rāz-e-mashī.at magar chhupā.e ga.e

kabhī to ham pe khuleñge ḳhushī ke darvāze

isī umiid pe ham tere ġham uThā.e ga.e

jo kal talak rahe aasī ḳhitāb-e-mahfil meñ

vo log aaj tire naam se bulā.e ga.e

ugal rahe the jo laavā ġham-e-ta.assub kā

hamāre ḳhuuñ se vo ātish-fishāñ bujhā.e ga.e

rah-e-hayāt meñ bhaḌkī hai jab nifāq kī aag

magar is aag kā luqma hamīñ banā.e ga.e

rafū kiyā kiye chāk-e-vafā-o-tār-e-qabā

vo rūThte rahe aur ham unheñ manā.e ga.e

iram ke nur se tera makan jalae gae

charagh hum the kahan ke kahan jalae gae

hamin ko us ne payambar kiya mashiat ka

hamin se raaz-e-mashiat magar chhupae gae

kabhi to hum pe khulenge KHushi ke darwaze

isi umid pe hum tere gham uThae gae

jo kal talak rahe aasi KHitab-e-mahfil mein

wo log aaj tere nam se bulae gae

ugal rahe the jo lawa gham-e-tassub ka

hamare KHun se wo aatish-fishan bujhae gae

rah-e-hayat mein bhaDki hai jab nifaq ki aag

magar is aag ka luqma hamin banae gae

rafu kiya kiye chaak-e-wafa-o-tar-e-qaba

wo ruThte rahe aur hum unhen manae gae