rang-e-nigah mil gaya jalwa-e-be-sifat mein

rang-e-nigāh mil gayā jalva-e-be-sifāt meñ

dekh rahā huuñ maiñ unheñ bazm-e-ta.ayyunāt meñ

ġham kī haqīqateñ samajh aish kī kaifiyāt meñ

maut ke ḳhadd-o-ḳhāl dekh raushnī-e-hayāt meñ

chāhtā huuñ ik inqalāb zauq-e-jamāliyāt meñ

band-e-naqāb khol do bazm-e-ta.ayyunāt meñ

merā vajūd hī ajiib chiiz hai kā.enāt meñ

duur tajalliyāt se ġharq tajalliyāt meñ

mujh ko bulā rahe ho kyoñ kār-gah-e-hayāt meñ

kyā kisī chiiz kī kamī hai abhī kā.enāt meñ

raaz ye hal na kar sakā koī bhī kā.enāt meñ

kis kī tajalliyāt haiñ kis ke mushāhidāt meñ

is kā ilaaj kyā ki maiñ ḳhud hī tabāh ho gayā

tū ne to kuchh kamī na kī koshish-e-iltifāt meñ

ek hī the magar na thī ek kī ek ko ḳhabar

maiñ rahā hasratoñ meñ gum aur vo tajalliyāt meñ

pesh-e-nazar hai be-hijāb husn bhī rāz-e-husn bhī

'shādāñ' vo rif.ateñ haiñ aaj mere taḳhaiyyulāt meñ

rang-e-nigah mil gaya jalwa-e-be-sifat mein

dekh raha hun main unhen bazm-e-tayyunat mein

gham ki haqiqaten samajh aish ki kaifiyat mein

maut ke KHadd-o-KHal dekh raushni-e-hayat mein

chahta hun ek inqalab zauq-e-jamaliyat mein

band-e-naqab khol do bazm-e-tayyunat mein

mera wajud hi ajib chiz hai kaenat mein

dur tajalliyat se gharq tajalliyat mein

mujh ko bula rahe ho kyon kar-gah-e-hayat mein

kya kisi chiz ki kami hai abhi kaenat mein

raaz ye hal na kar saka koi bhi kaenat mein

kis ki tajalliyat hain kis ke mushahidat mein

is ka ilaj kya ki main KHud hi tabah ho gaya

tu ne to kuchh kami na ki koshish-e-iltifat mein

ek hi the magar na thi ek ki ek ko KHabar

main raha hasraton mein gum aur wo tajalliyat mein

pesh-e-nazar hai be-hijab husn bhi raaz-e-husn bhi

'shadan' wo rifaten hain aaj mere taKHaiyyulat mein