rang lai hai meri zat se ghaflat meri

rañg laa.ī hai mirī zaat se ġhaflat merī

mere andar mutazalzal hai hukūmat merī

bechtā phirtā huuñ ḳhud ko sar-e-bāzār-e-hayāt

mujh ko rusvā kiye rakhtī hai zarūrat merī

Dūbtā jaatā hai har shaḳhs sar-e-sāhil-e-shab

baḌhtī jaatī hai magar shab se aqīdat merī

āte-jāte haiñ mah-o-mehr bashar kī zad meñ

aur maiñ ḳhush ki daraḳhshāñ hai rivāyat merī

vaqt vo hai ki har ik qadr kā mafhūm nayā

aur be-gāna-e-hālāt tabī.at merī

apne chehre pe sajā.e bhī nahīñ zaḳhm magar

dil kā ā.īna huī jaatī hai sūrat merī

rang lai hai meri zat se ghaflat meri

mere andar mutazalzal hai hukumat meri

bechta phirta hun KHud ko sar-e-bazar-e-hayat

mujh ko ruswa kiye rakhti hai zarurat meri

Dubta jata hai har shaKHs sar-e-sahil-e-shab

baDhti jati hai magar shab se aqidat meri

aate-jate hain mah-o-mehr bashar ki zad mein

aur main KHush ki daraKHshan hai riwayat meri

waqt wo hai ki har ek qadr ka mafhum naya

aur be-gana-e-haalat tabiat meri

apne chehre pe sajae bhi nahin zaKHm magar

dil ka aaina hui jati hai surat meri