rang-o-bu ban ke bahar-gam bikharna hoga

rang-o-bū ban ke bahar-gām bikharnā hogā

tujh ko vīrāne se ai dost guzarnā hogā

zindagī gardish-e-daurāñ se pareshāñ hī sahī

merī ḳhātir tumheñ ai dost sañvarnā hogā

yuuñ na badlegā ye mai-ḳhāna-e-getī kā nizām

dil ko āmāda-e-taḳhrīb bhī karnā hogā

ab to shabnam bhī nahīñ hisse meñ kuchh ġhunchoñ ke

un ko ḳhud apnā lahū pī ke nikharnā hogā

sarf kar dūñgā har ik qatra lahū kā apne

rang-e-tasvīr gulistāñ meñ jo bharnā hogā

aaj hai sāz-e-taḳhayyul pe nazar 'mutrib' kī

lahn-e-afkār ko phir aaj sañvarnā hogā

rang-o-bu ban ke bahar-gam bikharna hoga

tujh ko virane se ai dost guzarna hoga

zindagi gardish-e-dauran se pareshan hi sahi

meri KHatir tumhein ai dost sanwarna hoga

yun na badlega ye mai-KHana-e-geti ka nizam

dil ko aamada-e-taKHrib bhi karna hoga

ab to shabnam bhi nahin hisse mein kuchh ghunchon ke

un ko KHud apna lahu pi ke nikharna hoga

sarf kar dunga har ek qatra lahu ka apne

rang-e-taswir gulistan mein jo bharna hoga

aaj hai saz-e-taKHayyul pe nazar 'mutrib' ki

lahn-e-afkar ko phir aaj sanwarna hoga