rang tamam bhar chuki subh-ba-KHair zindagi
rang tamām bhar chukī sub.h-ba-ḳhair zindagī
mujh meñ qazā nikhar chukī sub.h-ba-ḳhair zindagī
tere bhī zaḳhm bhar diye aur havā-e-vaqt ab
mere bhī zaḳhm bhar chukī sub.h-ba-ḳhair zindagī
dil meñ kisī ḳhayāl kī raat havā chalī bahut
ab vo havā Thahar chukī sub.h-ba-ḳhair zindagī
bujh ga.e sab charāġh ḳhud qissa-e-mā tamām-shud
pahlī kiran utar chukī sub.h-ba-ḳhair zindagī
ā.ina-e-ḳhalā meñ ab maiñ bhī bahut sañvar chukā
tū bhī bahut sañvar chukī sub.h-ba-ḳhair zindagī
raat nahīñ guzar sakī mujh se jo ek 'umr tak
raat vo ab guzar chukī sub.h-ba-ḳhair zindagī
yaad nahīñ hai shakl jo ye to usī kī shakl hai
shakl tirī ubhar chukī sub.h-ba-ḳhair zindagī
rang tamam bhar chuki subh-ba-KHair zindagi
mujh mein qaza nikhar chuki subh-ba-KHair zindagi
tere bhi zaKHm bhar diye aur hawa-e-waqt ab
mere bhi zaKHm bhar chuki subh-ba-KHair zindagi
dil mein kisi KHayal ki raat hawa chali bahut
ab wo hawa Thahar chuki subh-ba-KHair zindagi
bujh gae sab charagh KHud qissa-e-ma tamam-shud
pahli kiran utar chuki subh-ba-KHair zindagi
aaina-e-KHala mein ab main bhi bahut sanwar chuka
tu bhi bahut sanwar chuki subh-ba-KHair zindagi
raat nahin guzar saki mujh se jo ek 'umr tak
raat wo ab guzar chuki subh-ba-KHair zindagi
yaad nahin hai shakl jo ye to usi ki shakl hai
shakl teri ubhar chuki subh-ba-KHair zindagi
- Book : Subh Bakhair Zindagi (Pg. 21)
- Author : Ameer Imam
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
