rang us mahfil-e-tamkin mein jamaya na gaya

rañg us mahfil-e-tamkīñ meñ jamāyā na gayā

ḳhāmushī se bhī mirā haal sunāyā na gayā

vahshat-e-dil ne hijābāt-e-jahāñ chaak kiye

ek parda ruḳh-e-jānāñ se uThāyā na gayā

'ishq ik daaġh sahī dāman-e-hastī pe magar

ḳhud mashiyyat se bhī ye daaġh miTāyā na gayā

kar diyā daftar-e-hastī to pareshāñ dil ne

magar ik ḳhvāb-e-pareshāñ ko bhulāyā na gayā

vo añdherā thā ki hangām-e-sahar bhī ham se

sham-e-andoh-e-judā.ī ko bujhāyā na gayā

sarhad-e-ishq se aage na baḌhī vahshat-e-'ishq

husn-e-hushyār ko dīvāna banāyā na gayā

laakh unvāñ se bhulānā unheñ chāhā thā 'ravish'

kisī unvāñ se magar un ko bhulāyā na gayā

rang us mahfil-e-tamkin mein jamaya na gaya

KHamushi se bhi mera haal sunaya na gaya

wahshat-e-dil ne hijabaat-e-jahan chaak kiye

ek parda ruKH-e-jaanan se uThaya na gaya

'ishq ek dagh sahi daman-e-hasti pe magar

KHud mashiyyat se bhi ye dagh miTaya na gaya

kar diya daftar-e-hasti to pareshan dil ne

magar ek KHwab-e-pareshan ko bhulaya na gaya

wo andhera tha ki hangam-e-sahar bhi hum se

sham-e-andoh-e-judai ko bujhaya na gaya

sarhad-e-ishq se aage na baDhi wahshat-e-'ishq

husn-e-hushyar ko diwana banaya na gaya

lakh unwan se bhulana unhen chaha tha 'rawish'

kisi unwan se magar un ko bhulaya na gaya