rangat tere badan ki gulabon mein ab nahin

rañgat tire badan kī gulāboñ meñ ab nahīñ

naġhme kā dard bhī to rabāboñ meñ ab nahīñ

ham hī to ek ḳhāna-ḳharāboñ meñ ab nahīñ

vo kaun shaḳhs hai jo azāboñ meñ ab nahīñ

terā visāl terī tamanna to duur hai

terā ḳhayāl bhī mire ḳhvāboñ meñ ab nahīñ

hairāniyoñ meñ uljhe hue haiñ dil-o-dimāġh

vo dil-farebiyāñ bhī sarāboñ meñ ab nahīñ

chehroñ se jis qadar hai 'jahāñgīr' ġham ayaañ

tahrīr is tarah se kitāboñ meñ ab nahīñ

rangat tere badan ki gulabon mein ab nahin

naghme ka dard bhi to rababon mein ab nahin

hum hi to ek KHana-KHarabon mein ab nahin

wo kaun shaKHs hai jo azabon mein ab nahin

tera visal teri tamanna to dur hai

tera KHayal bhi mere KHwabon mein ab nahin

hairaniyon mein uljhe hue hain dil-o-dimagh

wo dil-farebiyan bhi sarabon mein ab nahin

chehron se jis qadar hai 'jahangir' gham ayan

tahrir is tarah se kitabon mein ab nahin