ranj-o-gham dard-o-alam aaj ubhar aae hain

ranj-o-ġham dard-o-alam aaj ubhar aa.e haiñ

muddatoñ baa'd ke bhaTke hue ghar aa.e haiñ

vo mohabbat kā samundar thā jahāñ ġharq hue

ab tirī yaad kā sahrā hai jidhar aa.e haiñ

gardish-e-vaqt batā kyā yahī qismat hai mirī

hādse saath meñ chalte hue ghar aa.e haiñ

'ishq hai kaisā tilismāt ke sahrā meñ mujhe

qais kahtā hai ki ham chāñd-nagar aa.e haiñ

shāḳh-e-girya mirī maġhmūm huī jaatī hai

is baras sūkhe daraḳhtoñ pe samar aa.e haiñ

aap ke aane kā ilhām huā thā ham ko

aap ke aane se pahle hī sañvar aa.e haiñ

aaj phir manzileñ ā.eñgī tavāf-e-girya

aaj phir bāñdh ke ham raḳht-e-safar aa.e haiñ

ranj-o-gham dard-o-alam aaj ubhar aae hain

muddaton ba'd ke bhaTke hue ghar aae hain

wo mohabbat ka samundar tha jahan gharq hue

ab teri yaad ka sahra hai jidhar aae hain

gardish-e-waqt bata kya yahi qismat hai meri

hadse sath mein chalte hue ghar aae hain

'ishq hai kaisa tilismat ke sahra mein mujhe

qais kahta hai ki hum chand-nagar aae hain

shaKH-e-girya meri maghmum hui jati hai

is baras sukhe daraKHton pe samar aae hain

aap ke aane ka ilham hua tha hum ko

aap ke aane se pahle hi sanwar aae hain

aaj phir manzilen aaengi tawaf-e-girya

aaj phir bandh ke hum raKHt-e-safar aae hain