ranj-o-gham rah gaya bebasi rah gai
ranj-o-ġham rah gayā bebasī rah ga.ī
saath mere mirī be-ḳhudī rah ga.ī
un ke chashm-e-karam kā asar dekhiye
merī āñkhoñ meñ ab tak namī rah ga.ī
dekh kar un ke jalvoñ kī tābāniyāñ
aañkh merī khulī kī khulī rah ga.ī
mai-kade meñ na mai hai na jām-o-subū
apne hisse meñ tishna-labī rah ga.ī
kyoñ na ho merī āh-o-fuġhāñ be-asar
soz-e-ġham meñ kahīñ kuchh kamī rah ga.ī
ḳhud se milte hī 'bismil' hue ġham ġhalat
dekh kar dam-ba-ḳhud be-ḳhudī rah ga.ī
ranj-o-gham rah gaya bebasi rah gai
sath mere meri be-KHudi rah gai
un ke chashm-e-karam ka asar dekhiye
meri aankhon mein ab tak nami rah gai
dekh kar un ke jalwon ki tabaniyan
aankh meri khuli ki khuli rah gai
mai-kade mein na mai hai na jam-o-subu
apne hisse mein tishna-labi rah gai
kyon na ho meri aah-o-fughan be-asar
soz-e-gham mein kahin kuchh kami rah gai
KHud se milte hi 'bismil' hue gham ghalat
dekh kar dam-ba-KHud be-KHudi rah gai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
