ranj sahe aaram se pahle

ranj sahe ārām se pahle

kufr milā islām se pahle

hirs-o-havas ke panchhī tū ne

daana dekhā daam se pahle

husn tumhārā mere dil par

naqsh huā hai naam se pahle

mast banā de chashm-e-sāqī

mujh ko atā-e-jām se pahle

ruḳh pe ġhāza dosh pe zulfeñ

sub.h-e-daraḳhshāñ shaam se pahle

dil kī bābat pūchhte kyā ho

ka.aba thā asnām se pahle

un kā jalva pesh-e-nazar hai

arz-e-dil-e-nākām se pahle

ishq hī jab paiġhām-e-‘muhib’ hai

pahuñchā har paiġhām se pahle

ranj sahe aaram se pahle

kufr mila islam se pahle

hirs-o-hawas ke panchhi tu ne

dana dekha dam se pahle

husn tumhaara mere dil par

naqsh hua hai nam se pahle

mast bana de chashm-e-saqi

mujh ko ata-e-jam se pahle

ruKH pe ghaza dosh pe zulfen

subh-e-daraKHshan sham se pahle

dil ki babat puchhte kya ho

kaba tha asnam se pahle

un ka jalwa pesh-e-nazar hai

arz-e-dil-e-nakaam se pahle

ishq hi jab paigham-e-‘muhib’ hai

pahuncha har paigham se pahle