raqabaton ki tarah se humne mohabbaten be-misal ki hain

raqābatoñ kī tarah se ham ne mohabbateñ be-misāl kī haiñ

magar ḳhamosh ab jo ho ga.e haiñ ināyateñ maah o saal kī haiñ

kahāñ se duniyā ko aa ga.e haiñ ye taur us ke tarīq us ke

muzāhira sab gurez kā hai alāmateñ sab visāl kī haiñ

nazar uThāo to har taraf hai bahisht-e-husn-o-jamāl lekin

kahāñ vo andāz us kā lahja shabāhateñ ḳhadd-o-ḳhāl kī haiñ

nigār-e-fan hai ki māñgtī hai lahū se har-dam ḳhirāj apnā

hamārā kyā saath de sakeñgī jo shohrateñ be-kamāl kī haiñ

ye jhuktī shāḳheñ sarakte saa.e mahaktī ḳhushbū bahakte bādal

uTho inheñ jāvedāñ to kar leñ ki sā.ateñ ye visāl kī haiñ

ye ḳhud-kalāmī ye be-niyāzī ye shahr vāloñ se duur rahnā

amānateñ 'āzmī' yaqīnan kisī ġham-e-lā-zavāl kī haiñ

raqabaton ki tarah se hum ne mohabbaten be-misal ki hain

magar KHamosh ab jo ho gae hain inayaten mah o sal ki hain

kahan se duniya ko aa gae hain ye taur us ke tariq us ke

muzahira sab gurez ka hai alamaten sab visal ki hain

nazar uThao to har taraf hai bahisht-e-husn-o-jamal lekin

kahan wo andaz us ka lahja shabahaten KHadd-o-KHal ki hain

nigar-e-fan hai ki mangti hai lahu se har-dam KHiraj apna

hamara kya sath de sakengi jo shohraten be-kamal ki hain

ye jhukti shaKHen sarakte sae mahakti KHushbu bahakte baadal

uTho inhen jawedan to kar len ki saaten ye visal ki hain

ye KHud-kalami ye be-niyazi ye shahr walon se dur rahna

amanaten 'azmi' yaqinan kisi gham-e-la-zawal ki hain