raqs karti hai tere nur mein zulmat meri

raqs kartī hai tire nuur meñ zulmat merī

huuñ judā tujh se to hai vahm haqīqat merī

tere andāz haiñ sab sāz-o-sadā nik.hat-o-rang

merā ehsās hī goyā hai ibādat merī

mere iz.hār ko de lahja-e-gul kā e.ajāz

harf-e-lāġhar se na sañbhlegī hikāyat merī

husn-e-nādīda kisī aks meñ Dhaltā hī nahīñ

roz laatī hai nayā aa.ina hairat merī

chhāyā jaatā hai ġhubār۔e-ġham-e-daurāñ dil par

kyā nahīñ ab ġham-e-jānāñ ko zarūrat merī

dil hai ā.īna-e-ajzā-e-pareshān-e-vajūd

ya.anī ik sūrat-e-idrāk hai vahshat merī

be-dilī par to ye aalam hai ki dil raqs meñ hai

ho ġhazab rang pe aa.e jo tabī.at merī

raqs karti hai tere nur mein zulmat meri

hun juda tujh se to hai wahm haqiqat meri

tere andaz hain sab saz-o-sada nikhat-o-rang

mera ehsas hi goya hai ibaadat meri

mere izhaar ko de lahja-e-gul ka eajaz

harf-e-laghar se na sanbhlegi hikayat meri

husn-e-nadida kisi aks mein Dhalta hi nahin

roz lati hai naya aaina hairat meri

chhaya jata hai ghubar۔e-gham-e-dauran dil par

kya nahin ab gham-e-jaanan ko zarurat meri

dil hai aaina-e-ajza-e-pareshan-e-wajud

yani ek surat-e-idrak hai wahshat meri

be-dili par to ye aalam hai ki dil raqs mein hai

ho ghazab rang pe aae jo tabiat meri