raqs mein hai jahan ka jahan aaj-kal

raqs meñ hai jahāñ kā jahāñ āj-kal

maañd hai gardish-e-āsmāñ āj-kal

āsmāñ par nahīñ zohra-o-mushtarī

hai zamīñ par har ik dil-sitāñ āj-kal

nashsha-e-fasl-e-gul bū-e-mai husn-e-mah

khiñch ke sab aa ga.e haiñ kahāñ āj-kal

manzil-e-nuh-falak mujh ko āvāz de

hai mirī raah meñ kahkashāñ āj-kal

ilm ke Alps par haiñ talab ke qadam

hausle is qadar haiñ javāñ āj-kal

is taraf aa.eñ rūh-ul-amīñ se kaho

mast hai tūtī-e-ḳhush-bayāñ āj-kal

raqs mein hai jahan ka jahan aaj-kal

mand hai gardish-e-asman aaj-kal

aasman par nahin zohra-o-mushtari

hai zamin par har ek dil-sitan aaj-kal

nashsha-e-fasl-e-gul bu-e-mai husn-e-mah

khinch ke sab aa gae hain kahan aaj-kal

manzil-e-nuh-falak mujh ko aawaz de

hai meri rah mein kahkashan aaj-kal

ilm ke Alps par hain talab ke qadam

hausle is qadar hain jawan aaj-kal

is taraf aaen ruh-ul-amin se kaho

mast hai tuti-e-KHush-bayan aaj-kal