rasai ahl-e-dil ki hai jahan tak

rasā.ī ahl-e-dil kī hai jahāñ tak

ḳhirad vaale na pahuñcheñge vahāñ tak

havā-e-tund ho yā barq-o-bārāñ

ye saarī āfateñ haiñ āshiyāñ tak

kisī kī justujū meñ chal diye haiñ

junūñ ab dekheñ le jaa.e jahāñ tak

mirī barbādiyāñ phir rang lā.īñ

ujālā hai qafas se āshiyāñ tak

koī kyā jaane kitne fāsle haiñ

haram se us ke sang-e-āstāñ tak

hameñ bhī dekhnā hai ab to 'shāriq'

miTā.egī hameñ duniyā kahāñ tak

rasai ahl-e-dil ki hai jahan tak

KHirad wale na pahunchenge wahan tak

hawa-e-tund ho ya barq-o-baran

ye sari aafaten hain aashiyan tak

kisi ki justuju mein chal diye hain

junun ab dekhen le jae jahan tak

meri barbaadiyan phir rang lain

ujala hai qafas se aashiyan tak

koi kya jaane kitne fasle hain

haram se us ke sang-e-astan tak

hamein bhi dekhna hai ab to 'shaariq'

miTaegi hamein duniya kahan tak