rasm-e-ulfat se hai maqsud-e-wafa ho ki na ho

rasm-e-ulfat se hai maqsūd-e-vafā ho ki na ho

zaḳhm-e-dil aur ho ḳhūn-basta-e-shifā ho ki na ho

ham jafākār-e-vafā haiñ hameñ matlūb nahīñ

hāsil zulf-e-siyāhkār sazā ho ki na ho

rakh liyā thoḌā sā imkān-e-tamannā ne bharam

dast sharminda rahe chāhe atā ho ki na ho

ho mere qatl meñ qātil kī bhī marzī shāmil

shor-o-ġhul ḳhuub rahe āh-o-baqā ho ki na ho

thī sitam-kārī qismat kī vo shiddat hamdam

tū bhī ranjīda rahā mujh se gilā ho ki na ho

ik ye bandish rahī anjām-e-vafā ko ko kar

ahl-e-duniyā pe merī rasm ravā ho ki na ho

bas ye āshob mohabbat kī davā hai 'bāliġh'

marg-e-āsān kī tamannā ho qazā ho ki na ho

rasm-e-ulfat se hai maqsud-e-wafa ho ki na ho

zaKHm-e-dil aur ho KHun-basta-e-shifa ho ki na ho

hum jafakar-e-wafa hain hamein matlub nahin

hasil zulf-e-siyahkar saza ho ki na ho

rakh liya thoDa sa imkan-e-tamanna ne bharam

dast sharminda rahe chahe ata ho ki na ho

ho mere qatl mein qatil ki bhi marzi shamil

shor-o-ghul KHub rahe aah-o-baqa ho ki na ho

thi sitam-kari qismat ki wo shiddat hamdam

tu bhi ranjida raha mujh se gila ho ki na ho

ek ye bandish rahi anjam-e-wafa ko ko kar

ahl-e-duniya pe meri rasm rawa ho ki na ho

bas ye aashob mohabbat ki dawa hai 'baaligh'

marg-e-asan ki tamanna ho qaza ho ki na ho