rasm-e-wafa ko humne bhi ruswa nahin kiya

rasm-e-vafā ko ham ne bhī rusvā nahīñ kiyā

har ik sitam ko sah liyā shikva nahīñ kiyā

kahte haiñ is jahān meñ bīmār-e-ishq ko

ab tak kisī tabīb ne achchhā nahīñ kiyā

samjhā gayā thā jis ko mahalle meñ pārsā

mauqa milā to us ne bhī kyā kyā nahīñ kiyā

phir yaad aa rahī hai vahī multajī-nigāh

aur ashk jis kā raaz meñ samjhā nahīñ kiyā

vaa.iz ko ek baar maiñ mai-ḳhāna le gayā

phir us ke baad mujh se vo uljhā nahīñ kiyā

ham mustaqil-mizāj haiñ bas ek baat meñ

vo ye ki jo kiyā vo dobāra nahīñ kiyā

bārish kā uzr kar ke bharam rakh bhī saktā thā

afsos us ne koī bahāna nahīñ kiyā

ummīd-e-vasl bhī hai magar kashmakash hai 'shān'

us ne kahā ki ā.uñgā va.ada nahīñ kiyā

rasm-e-wafa ko hum ne bhi ruswa nahin kiya

har ek sitam ko sah liya shikwa nahin kiya

kahte hain is jahan mein bimar-e-ishq ko

ab tak kisi tabib ne achchha nahin kiya

samjha gaya tha jis ko mahalle mein parsa

mauqa mila to us ne bhi kya kya nahin kiya

phir yaad aa rahi hai wahi multaji-nigah

aur ashk jis ka raaz mein samjha nahin kiya

waiz ko ek bar main mai-KHana le gaya

phir us ke baad mujh se wo uljha nahin kiya

hum mustaqil-mizaj hain bas ek baat mein

wo ye ki jo kiya wo dobara nahin kiya

barish ka uzr kar ke bharam rakh bhi sakta tha

afsos us ne koi bahana nahin kiya

ummid-e-wasl bhi hai magar kashmakash hai 'shan'

us ne kaha ki aaunga wada nahin kiya