rasm hi nind ki aankhon se uTha di gai kya

rasm hī niiñd kī āñkhoñ se uThā dī ga.ī kyā

yā mire ḳhvāb kī ta.abīr batā dī ga.ī kyā

āsmāñ aaj sitāroñ se bhī ḳhālī kyuuñ hai

daulat-e-girya-e-jāñ raat luTā dī ga.ī kyā

vo jo dīvār thī ik ishq-o-havas ke mābain

mausam-e-shauq meñ is baar girā dī ga.ī kyā

ab to is khel meñ kuchh aur mazā aane lagā

jaan bhī daav pe is baar lagā dī ga.ī kyā

aaj dīvāne ke lahje kī khanak raushan hai

us kī āvāz meñ āvāz milā dī ga.ī kyā

aaj bīmār ke chehre pe bahut raunaq hai

phir masīhā.ī kī afvāh uḌā dī ga.ī kyā

rasm hi nind ki aankhon se uTha di gai kya

ya mere KHwab ki tabir bata di gai kya

aasman aaj sitaron se bhi KHali kyun hai

daulat-e-girya-e-jaan raat luTa di gai kya

wo jo diwar thi ek ishq-o-hawas ke mabain

mausam-e-shauq mein is bar gira di gai kya

ab to is khel mein kuchh aur maza aane laga

jaan bhi daw pe is bar laga di gai kya

aaj diwane ke lahje ki khanak raushan hai

us ki aawaz mein aawaz mila di gai kya

aaj bimar ke chehre pe bahut raunaq hai

phir masihai ki afwah uDa di gai kya