rasm-o-niyaz-e-naz se ek maqam par gaya

rasm-o-niyāz-e-nāz se ek maqām par gayā

husn se jo na ho sakā ishq vo kaam kar gayā

dair gayā haram gayā aur kidhar kidhar gayā

maiñ bhī talāsh-e-yār meñ had se pare guzar gayā

saaf hudūd-e-zīst ko dekhiye paar kar gayā

girte hī bahr-e-ġham meñ maiñ maut ke ghaaT utar gayā

shān-e-numūd thī vahī rang-e-vajūd thā vahī

ik vahī thā nazar-navāz maiñ to jidhar jidhar gayā

kaam tamām kar diyā is ġham-e-zindagī ne to

talḳhī-e-bāda se mirā jām-e-hayāt bhar gayā

saath jo mil gayā mujhe ishq-e-junūñ-navāz kā

un kī harīm-e-nāz meñ aaj to be-ḳhatar gayā

naġhma-e-zindagī meñ ab soz kahāñ se lā.ūñ maiñ

tār-e-nafas ko chheḌ kar saaz mirā bikhar gayā

merā hī hausla rahā merī hī justujū rahī

manzil-e-ishq tak mirī kab koī rāhbar gayā

ijz-o-niyāz se milīñ donoñ jahāñ kī rif.ateñ

chhoḌ dī jis ne ḳhud-sarī bām-e-urūj par gayā

'ḳhushtar'-e-ḳhush-bayāñ ko thā nām-o-numūd se gurez

phir bhī suḳhan kī bazm meñ naam vo apnā kar gayā

rasm-o-niyaz-e-naz se ek maqam par gaya

husn se jo na ho saka ishq wo kaam kar gaya

dair gaya haram gaya aur kidhar kidhar gaya

main bhi talash-e-yar mein had se pare guzar gaya

saf hudud-e-zist ko dekhiye par kar gaya

girte hi bahr-e-gham mein main maut ke ghaT utar gaya

shan-e-numud thi wahi rang-e-wajud tha wahi

ek wahi tha nazar-nawaz main to jidhar jidhar gaya

kaam tamam kar diya is gham-e-zindagi ne to

talKHi-e-baada se mera jam-e-hayat bhar gaya

sath jo mil gaya mujhe ishq-e-junun-nawaz ka

un ki harim-e-naz mein aaj to be-KHatar gaya

naghma-e-zindagi mein ab soz kahan se laun main

tar-e-nafas ko chheD kar saz mera bikhar gaya

mera hi hausla raha meri hi justuju rahi

manzil-e-ishq tak meri kab koi rahbar gaya

ijz-o-niyaz se milin donon jahan ki rifaten

chhoD di jis ne KHud-sari baam-e-uruj par gaya

'KHushtar'-e-KHush-bayan ko tha nam-o-numud se gurez

phir bhi suKHan ki bazm mein nam wo apna kar gaya