raste pe zulm-o-jaur ke chalne lage hain hum
raste pe zulm-o-jaur ke chalne lage haiñ ham
ab rāh-rau ke ḳhuun pe palne lage haiñ ham
mumkin hai koī baat ġhalat ham se ho ga.ī
yā yūñhī apnā rañg badalne lage haiñ ham
jis ke liye bane the usī rah-navard ko
dekhā jo mutma.in to machalne lage haiñ ham
jab tai huā safar to lahū pairahan huā
manzil ko dekhte hī ubalne lage haiñ ham
jitne ḳhayāl meñ the sitam sab hī Dah chuke
ab haath apne zulm pe malne lage haiñ ham
mānūs ho sakā na koī mutma.in huā
'manzar' qadam qadam pe sambhalne lage haiñ ham
raste pe zulm-o-jaur ke chalne lage hain hum
ab rah-rau ke KHun pe palne lage hain hum
mumkin hai koi baat ghalat hum se ho gai
ya yunhi apna rang badalne lage hain hum
jis ke liye bane the usi rah-naward ko
dekha jo mutmain to machalne lage hain hum
jab tai hua safar to lahu pairahan hua
manzil ko dekhte hi ubalne lage hain hum
jitne KHayal mein the sitam sab hi Dah chuke
ab hath apne zulm pe malne lage hain hum
manus ho saka na koi mutmain hua
'manzar' qadam qadam pe sambhalne lage hain hum
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
