raunaq-e-zau-fishan se phul gire

raunaq-e-zau-fishāñ se phuul gire

yā hamāre gumāñ se phuul gire

dard ne phir se dil meñ karvaT lī

aaj phir āsmāñ se phuul gire

phir tirī yaad ne kiyā jaadū

ḳhvāb meñ kahkashāñ se phuul gire

phir tasavvur meñ vo ḳhayāl aaya

kāvish-e-rā.egāñ se phuul gire

dāman-e-dil ye bhar gayā kaise

kyā ḳhabar hai kahāñ se phuul gire

phuul hī phuul ho ga.ī duniyā

yuuñ tire jism-o-jāñ se phuul gire

phir mahakne lagī hai jān-e-ġhazal

phir hamārī zabāñ se phuul gire

maiñ kahāñ thā kahāñ nahīñ 'ajmal'

jab zamān-o-makāñ se phuul gire

raunaq-e-zau-fishan se phul gire

ya hamare guman se phul gire

dard ne phir se dil mein karwaT li

aaj phir aasman se phul gire

phir teri yaad ne kiya jadu

KHwab mein kahkashan se phul gire

phir tasawwur mein wo KHayal aaya

kawish-e-raegan se phul gire

daman-e-dil ye bhar gaya kaise

kya KHabar hai kahan se phul gire

phul hi phul ho gai duniya

yun tere jism-o-jaan se phul gire

phir mahakne lagi hai jaan-e-ghazal

phir hamari zaban se phul gire

main kahan tha kahan nahin 'ajmal'

jab zaman-o-makan se phul gire