raushni ka parda hai darmiyan tere mere aur pyar jari hai

raushnī kā parda hai darmiyāñ tire mere aur pyaar jaarī hai

pyaar meñ mohabbat meñ ham na ḳhud ko badleñge aisī apnī yaarī hai

haath meñ jo āñkheñ haiñ in pe hī faqat takiya kis qadar hai nā-kāfī

kuchh madad bhī lī jaa.e dūsroñ se auroñ se ye bhī hoshiyārī hai

Dhañg hai samā.at kā rañg hai basārat kā be-tarah-o-be-ma.anī

nañg ke liye dauḌeñ ham bhī saarī duniyā meñ ek jañg jaarī hai

surḳh lafz haiñ mere maiñ bhī sher kahtā huuñ aur jab sunātā huuñ

koī bol uThtā hai sher sher meñ tere ek ġham-gusārī hai

sar barahna shāḳhoñ par ek din vo aatā hai aur gulāb khilte haiñ

tajraba hai ye apnā ham ne bhī yahāñ āḳhir zindagī guzārī hai

aañkh vaale sāvan meñ ek baat dekhī hai aur kah bhī duuñ tum se

tishnagī miTātā hai dil kī tishnagī kā ye qudratī shikārī hai

bujh rahī haiñ kyoñ āñkheñ saath māh-o-anjum ke kaun sā ye sūraj hai

zindagī na chhin jaa.e aarzī sī to 'bedī' zindagī hamārī hai

raushni ka parda hai darmiyan tere mere aur pyar jari hai

pyar mein mohabbat mein hum na KHud ko badlenge aisi apni yari hai

hath mein jo aankhen hain in pe hi faqat takiya kis qadar hai na-kafi

kuchh madad bhi li jae dusron se auron se ye bhi hoshiyari hai

Dhang hai samaat ka rang hai basarat ka be-tarah-o-be-mani

nang ke liye dauDen hum bhi sari duniya mein ek jang jari hai

surKH lafz hain mere main bhi sher kahta hun aur jab sunata hun

koi bol uThta hai sher sher mein tere ek gham-gusari hai

sar barahna shaKHon par ek din wo aata hai aur gulab khilte hain

tajraba hai ye apna hum ne bhi yahan aaKHir zindagi guzari hai

aankh wale sawan mein ek baat dekhi hai aur kah bhi dun tum se

tishnagi miTata hai dil ki tishnagi ka ye qudrati shikari hai

bujh rahi hain kyon aankhen sath mah-o-anjum ke kaun sa ye suraj hai

zindagi na chhin jae aarzi si to 'bedi' zindagi hamari hai