raushni ke saz-o-saman DhunDhta phirta tha main

raushnī ke sāz-o-sāmāñ DhūñDhtā phirtā thā maiñ

un dinoñ ik chāñd kī ta.amīr meñ uljhā thā maiñ

āḳhirī manzar hī shab kā haath lag paayā mire

kal tirī mahfil meñ thoḌā der se pahuñchā thā maiñ

us purāne ghar kī vo dīvār ab ke gir ga.ī

haañ vahī dīvār jis par ab talak likkhā thā maiñ

us kī bāhoñ se nikal aayā bhī thā merā badan

aur us ke siine meñ ab tak kahīñ lipTā thā maiñ

umr-bhar kī mushkileñ hañs kar ke maiñ ne paar kī

ik ḳhushī mujh ko milī thī bas tabhī royā thā maiñ

vo mire TuuTe hue kirchoñ ko kab tak joḌtā

thoḌā thoḌā kar ke saare ghar meñ hī bikhrā thā maiñ

pūchhiye mat kyā sukūn-e-mustaqil thā qabr meñ

muddatoñ ke ba.ad aisī niiñd meñ soyā thā maiñ

raushni ke saz-o-saman DhunDhta phirta tha main

un dinon ek chand ki tamir mein uljha tha main

aaKHiri manzar hi shab ka hath lag paya mere

kal teri mahfil mein thoDa der se pahuncha tha main

us purane ghar ki wo diwar ab ke gir gai

han wahi diwar jis par ab talak likkha tha main

us ki bahon se nikal aaya bhi tha mera badan

aur us ke sine mein ab tak kahin lipTa tha main

umr-bhar ki mushkilen hans kar ke main ne par ki

ek KHushi mujh ko mili thi bas tabhi roya tha main

wo mere TuTe hue kirchon ko kab tak joDta

thoDa thoDa kar ke sare ghar mein hi bikhra tha main

puchhiye mat kya sukun-e-mustaqil tha qabr mein

muddaton ke baad aisi nind mein soya tha main