raushni saya-e-zulmat se aage na baDhi
raushnī sāya-e-zulmāt se aage na baḌhī
zindagī sham.a kī ik raat se aage na baḌhī
apnī hastī kā bhī insān ko irfāñ na huā
ḳhaak phir ḳhaak thī auqāt se aage na baḌhī
naam bad-nām huā sinf-e-ġhazal kā lekin
shā.irī rasm-o-rivāyāt se aage na baḌhī
be-takalluf huī tajdīd-e-mulāqāt magar
vo bhī ik tishna mulāqāt se aage na baḌhī
zulf-bar-dosh vo ik baar to aa.e the 'shakīl'
phir koī raat bhī us raat se aage na baḌhī
raushni saya-e-zulmat se aage na baDhi
zindagi shama ki ek raat se aage na baDhi
apni hasti ka bhi insan ko irfan na hua
KHak phir KHak thi auqat se aage na baDhi
nam bad-nam hua sinf-e-ghazal ka lekin
shairi rasm-o-riwayat se aage na baDhi
be-takalluf hui tajdid-e-mulaqat magar
wo bhi ek tishna mulaqat se aage na baDhi
zulf-bar-dosh wo ek bar to aae the 'shakil'
phir koi raat bhi us raat se aage na baDhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
