raushni subh ki ya shab ki siyahi denge

raushnī sub.h kī yā shab kī siyāhī deñge

jo bhī denā hai tumheñ zill-e-ilāhī deñge

shaiḳh sāhab to azal se haiñ dushman mere

khā ke qur.āñ kī qasam jhūTī gavāhī deñge

un se rakhiye na kisī mehr-o-vafā kī ummīd

ye to aise haiñ ki sūraj ko siyāhī deñge

mausam-e-lutf-e-atā hai abhī maiḳhāne meñ

jaam kyā chiiz hai ye tum ko surāhī deñge

to hiqārat kī nazar se na unheñ dekh miyāñ

ye phaTe kapḌe tujhe ḳhil.at-e-shāhī deñge

aisā lagtā hai havāoñ ke ye pāgal jhoñke

ret par likkhī 'ibārat ko miTā hī deñge

itnī māyūsī bhī achchhī nahīñ khoTe sikko

ik na ik din tumheñ ham log chalā hī deñge

karke ye faisla ham ghar se chale haiñ 'qaisar'

kuchh kharī khoTī tumheñ aaj sunā hī deñge

raushni subh ki ya shab ki siyahi denge

jo bhi dena hai tumhein zill-e-ilahi denge

shaiKH sahab to azal se hain dushman mere

kha ke quran ki qasam jhuTi gawahi denge

un se rakhiye na kisi mehr-o-wafa ki ummid

ye to aise hain ki suraj ko siyahi denge

mausam-e-lutf-e-ata hai abhi maiKHane mein

jam kya chiz hai ye tum ko surahi denge

to hiqarat ki nazar se na unhen dekh miyan

ye phaTe kapDe tujhe KHilat-e-shahi denge

aisa lagta hai hawaon ke ye pagal jhonke

ret par likkhi 'ibarat ko miTa hi denge

itni mayusi bhi achchhi nahin khoTe sikko

ek na ek din tumhein hum log chala hi denge

karke ye faisla hum ghar se chale hain 'qaisar'

kuchh khari khoTi tumhein aaj suna hi denge