raushni wale wasile ki lagi rahti hai

raushnī vaale vasīle kī lagī rahtī hai

bas añdhere ko miTāne kī lagī rahtī hai

vo jo gauhar hai samundar meñ utar jaatā hai

sirf siipī ko kināre kī lagī rahtī hai

aañkh vāloñ meñ basārat kī kamī hai shāyad

jab hī andhoñ ko dikhāve kī lagī rahtī hai

phir kisī naqsh-e-kaf-e-pā ko miTāne ke liye

raah ko ḳhaak uḌāne kī lagī rahtī hai

zard mausam meñ gulāboñ kī tamanna kar lī

jis tarah dhuup meñ saa.e kī lagī rahtī hai

ḳhvāb buntī thiiñ magar āñkhoñ ko ab shaam Dhale

dar kī dastak kī darīche kī lagī rahtī hai

dhūp-mausam meñ baras jaatī hai bārish aksar

us ko ḳhushiyoñ meñ bhī rone kī lagī rahtī hai

phir tavajjoh nahīñ jaatī tirī ḳhafgī kī taraf

āñsuoñ ko tire shāne kī lagī rahtī hai

raushni wale wasile ki lagi rahti hai

bas andhere ko miTane ki lagi rahti hai

wo jo gauhar hai samundar mein utar jata hai

sirf sipi ko kinare ki lagi rahti hai

aankh walon mein basarat ki kami hai shayad

jab hi andhon ko dikhawe ki lagi rahti hai

phir kisi naqsh-e-kaf-e-pa ko miTane ke liye

rah ko KHak uDane ki lagi rahti hai

zard mausam mein gulabon ki tamanna kar li

jis tarah dhup mein sae ki lagi rahti hai

KHwab bunti thin magar aankhon ko ab sham Dhale

dar ki dastak ki dariche ki lagi rahti hai

dhup-mausam mein baras jati hai barish aksar

us ko KHushiyon mein bhi rone ki lagi rahti hai

phir tawajjoh nahin jati teri KHafgi ki taraf

aansuon ko tere shane ki lagi rahti hai