raushniyan badan badan tere mere lahu se hain

raushniyāñ badan badan tere mire lahū se haiñ

lams kī saarī lazzateñ jism kī hāv-hū se haiñ

qurbat-e-roz-roz meñ ranjisheñ itnī baḌh ga.iiñ

vo bhī gurez-pā se haiñ ham bhī bahāna-jū se haiñ

Dar hai ki shām-e-hijr meñ dil kā diyā bujhā na deñ

ab ke havā kī sāzisheñ shola-e-ārzū se haiñ

jitne ḳhizāñ ke Dhañg haiñ jitne fazā meñ rañg haiñ

mere hī ḳhār-o-ḳhas se haiñ mere hī rañg-o-bū se haiñ

merī matā-e-zindagī ḳhvāhish-e-zaḳhm hī to hai

mere junūñ ke silsile lazzat-e-justujū se haiñ

ḳhush haiñ ki lauT aa.e haiñ saare musāfirān-e-ġham

garche ye surḳh-rū nahīñ phir bhī ye surḳh-rū se haiñ

jis ke kamāl-e-tanz se shahr sarāpā zaḳhm hai

us ko sabhī shikāyateñ mohsin-e-qand-ḳhū se haiñ

raushniyan badan badan tere mere lahu se hain

lams ki sari lazzaten jism ki haw-hu se hain

qurbat-e-roz-roz mein ranjishen itni baDh gain

wo bhi gurez-pa se hain hum bhi bahana-ju se hain

Dar hai ki sham-e-hijr mein dil ka diya bujha na den

ab ke hawa ki sazishen shola-e-arzu se hain

jitne KHizan ke Dhang hain jitne faza mein rang hain

mere hi KHar-o-KHas se hain mere hi rang-o-bu se hain

meri mata-e-zindagi KHwahish-e-zaKHm hi to hai

mere junun ke silsile lazzat-e-justuju se hain

KHush hain ki lauT aae hain sare musafiran-e-gham

garche ye surKH-ru nahin phir bhi ye surKH-ru se hain

jis ke kamal-e-tanz se shahr sarapa zaKHm hai

us ko sabhi shikayaten mohsin-e-qand-KHu se hain