rawana wo bhi hua hai nae safar ke liye

ravāna vo bhī huā hai na.e safar ke liye

talāsh karnī hai roTī mujhe bhī ghar ke liye

dikhā.ī detā hai sūraj bhī kuchh pareshāñ sā

udaas maiñ hī nahīñ huuñ kisī shajar ke liye

safar pe jā.ūñ maiñ asbāb aur kyā le kar

ki terī yaad hī kaafī hai rahguzar ke liye

bichhaḌte vaqt udāsī kā rañg thā jin par

nazar ne bose bahut aise bām-o-dar ke liye

ġhubār kab hai khulā hai rafāqatoñ kā gulāb

huā nahīñ hai koī ḳhat hai be-ḳhabar ke liye

madīna chhoḌā to kuufa huā nasīb hameñ

ki hijrateñ hī milīñ ham ko umr-bhar ke liye

sipāh-e-shām hameñ āftāb kahtī hai

bulandiyāñ haiñ sināñ kī hamāre sar ke liye

rawana wo bhi hua hai nae safar ke liye

talash karni hai roTi mujhe bhi ghar ke liye

dikhai deta hai suraj bhi kuchh pareshan sa

udas main hi nahin hun kisi shajar ke liye

safar pe jaun main asbab aur kya le kar

ki teri yaad hi kafi hai rahguzar ke liye

bichhaDte waqt udasi ka rang tha jin par

nazar ne bose bahut aise baam-o-dar ke liye

ghubar kab hai khula hai rafaqaton ka gulab

hua nahin hai koi KHat hai be-KHabar ke liye

madina chhoDa to kufa hua nasib hamein

ki hijraten hi milin hum ko umr-bhar ke liye

sipah-e-sham hamein aaftab kahti hai

bulandiyan hain sinan ki hamare sar ke liye