ret ke ek shahr mein aabaad hain dar dar ke log
ret ke ik shahr meñ ābād haiñ dar dar ke log
be-zamīñ be-āsmāñ be-pāñv ke be-sar ke log
merā ghāyal jism hai merī rihā.ish kā pata
maiñ jahāñ rahtā huuñ rahte haiñ vahāñ patthar ke log
ek ik lamha hai qatra zindagī ke ḳhuun kā
āfiyat kā saañs bhī lete haiñ to Dar Dar ke log
aur dīvāroñ se dīvāreñ nikaltī haiñ abhī
saath rah kar bhī alag rahte haiñ saare ghar ke log
chāñd miTTī kā diyā hai ye kise ma.alūm thā
āsmāñ-dar-āsmāñ uḌte rahe be-par ke log
jhāñk kar dekhā hai ham ne vaqt ke hammām meñ
apne hī jaise nazar aa.e haiñ duniyā-bhar ke log
ret ke ek shahr mein aabaad hain dar dar ke log
be-zamin be-asman be-panw ke be-sar ke log
mera ghayal jism hai meri rihaish ka pata
main jahan rahta hun rahte hain wahan patthar ke log
ek ek lamha hai qatra zindagi ke KHun ka
aafiyat ka sans bhi lete hain to Dar Dar ke log
aur diwaron se diwaren nikalti hain abhi
sath rah kar bhi alag rahte hain sare ghar ke log
chand miTTi ka diya hai ye kise malum tha
aasman-dar-asman uDte rahe be-par ke log
jhank kar dekha hai hum ne waqt ke hammam mein
apne hi jaise nazar aae hain duniya-bhar ke log
- Book : Pani Patthar (Pg. 109)
- Author : Yasiin Afzaal
- Publication : Maktaba Fikr-e-Nav (1986)
- Edition : 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
