ret ki surat jaan pyasi thi aankh hamari nam na hui

ret kī sūrat jaañ pyāsī thī aañkh hamārī nam na huī

terī dard-gusārī se bhī ruuh kī uljhan kam na huī

shāḳh se TuuT ke be-hurmat haiñ vaise bhī be-hurmat the

ham girte pattoñ pe malāmat kab mausam mausam na huī

nāg-phanī sā shola hai jo āñkhoñ meñ lahrātā hai

raat kabhī hamdam na banī aur niiñd kabhī marham na huī

ab yādoñ kī dhuup chhāñv meñ parchhā.īñ sā phirtā huuñ

maiñ ne bichhaḌ kar dekh liyā hai duniyā narm qadam na huī

merī sahrā-zād mohabbat abr-e-siyah ko DhūñDhtī hai

ek janam kī pyāsī thī ik buuñd se tāza-dam na huī

ret ki surat jaan pyasi thi aankh hamari nam na hui

teri dard-gusari se bhi ruh ki uljhan kam na hui

shaKH se TuT ke be-hurmat hain waise bhi be-hurmat the

hum girte patton pe malamat kab mausam mausam na hui

nag-phani sa shola hai jo aankhon mein lahraata hai

raat kabhi hamdam na bani aur nind kabhi marham na hui

ab yaadon ki dhup chhanw mein parchhain sa phirta hun

main ne bichhaD kar dekh liya hai duniya narm qadam na hui

meri sahra-zad mohabbat abr-e-siyah ko DhunDhti hai

ek janam ki pyasi thi ek bund se taza-dam na hui