rewDon ki qataron mein gum ho gae din ke raste to aankhen khuli rah gain

revḌoñ kī qatāroñ meñ gum ho ga.e din ke raste to āñkheñ khulī rah ga.iiñ

lauT ke ghar na aa.e sadhā.e hue jab parinde to āñkheñ khulī rah ga.iiñ

maiñ ne biivī ko chhiḌkā to ḳhud merā ḳhuuñ muttahid ho ke mere muqābil huā

apnī maañ kī taraf ek dam ho ga.e mere bachche to āñkheñ khulī rah ga.iiñ

jo talāsh-e-saf-e-dushmanāñ kī muhim meñ mire saath phirte rahe shaam tak

shab ko dekhe jo maiñ ne vahī ghaat meñ chand chehre to āñkheñ khulī rah ga.iiñ

parbatoñ ghāTiyoñ kā safar dā.era thā ki ik vāhima thā ye khultā nahīñ

jis jagah ham mile the usī moḌ par aa ke bichhḌe to āñkheñ khulī rah ga.iiñ

dopahar kā amal munjamid sā.ateñ āsmāñ paañv meñ thā zamīñ sar pe thī

ab ke pahle se 'anvar' zarā muḳhtalif ḳhvāb dekhe to āñkheñ khulī rah ga.iiñ

rewDon ki qataron mein gum ho gae din ke raste to aankhen khuli rah gain

lauT ke ghar na aae sadhae hue jab parinde to aankhen khuli rah gain

main ne biwi ko chhiDka to KHud mera KHun muttahid ho ke mere muqabil hua

apni man ki taraf ek dam ho gae mere bachche to aankhen khuli rah gain

jo talash-e-saf-e-dushmanan ki muhim mein mere sath phirte rahe sham tak

shab ko dekhe jo main ne wahi ghat mein chand chehre to aankhen khuli rah gain

parbaton ghaTiyon ka safar daera tha ki ek wahima tha ye khulta nahin

jis jagah hum mile the usi moD par aa ke bichhDe to aankhen khuli rah gain

dopahar ka amal munjamid saaten aasman panw mein tha zamin sar pe thi

ab ke pahle se 'anwar' zara muKHtalif KHwab dekhe to aankhen khuli rah gain