reza-reza hua jawan patthar

reza-reza huā javāñ patthar

kah rahā hai ye dāstāñ patthar

khil uThe phuul us ke siine meñ

ban gayā ek gulsitāñ patthar

barf-bārī se zindagī hai vabāl

ro ke kahtā hai be-zabāñ patthar

kar diyā pāsh-pāsh teshe ne

kitnā bebas hai nā-tavāñ patthar

yuuñ hai taarī sukūt hastī par

jaise ho nazm-e-kul-jahāñ patthar

Thokaroñ se hai lāla-zār qadam

rāste meñ hai sargirāñ patthar

zīnat-e-rāh hai usī se ayaañ

jis ko kahte haiñ rā.egāñ patthar

mil ke maujoñ ke saath ai 'qudsī'

ban gayā aaj be-karāñ patthar

reza-reza hua jawan patthar

kah raha hai ye dastan patthar

khil uThe phul us ke sine mein

ban gaya ek gulsitan patthar

barf-bari se zindagi hai wabaal

ro ke kahta hai be-zaban patthar

kar diya pash-pash teshe ne

kitna bebas hai na-tawan patthar

yun hai tari sukut hasti par

jaise ho nazm-e-kul-jahan patthar

Thokaron se hai lala-zar qadam

raste mein hai sargiran patthar

zinat-e-rah hai usi se ayan

jis ko kahte hain raegan patthar

mil ke maujon ke sath ai 'qudsi'

ban gaya aaj be-karan patthar