rida-e-waqt mein bas mah-o-sal bunte hue
ridā-e-vaqt meñ bas māh-o-sāl bunte hue
ik umr kaaT dī terā ḳhayāl bunte hue
ye rañg us kā pasandīda rañg thā maahī
maiñ aaj rone lagā ek shaal bunte hue
usī zamīn ko tartīb se banānā hai
nadī ke dhāgoñ se shahroñ kī khaal bunte hue
mujhe taḌaptī uḌānoñ kī yaad aatī hai
tumheñ bhī yaad kuchh aatā hai jaal bunte hue
zarā sā azm thā poshāk ḳhud banā.ūñgā
guzar ga.e haiñ magar kitne saal bunte hue
vo kokh bhī na bachī vahshiyoñ ke hāthoñ se
safed uun huā laal laal bunte hue
rida-e-waqt mein bas mah-o-sal bunte hue
ek umr kaT di tera KHayal bunte hue
ye rang us ka pasandida rang tha mahi
main aaj rone laga ek shaal bunte hue
usi zamin ko tartib se banana hai
nadi ke dhagon se shahron ki khaal bunte hue
mujhe taDapti uDanon ki yaad aati hai
tumhein bhi yaad kuchh aata hai jal bunte hue
zara sa azm tha poshak KHud banaunga
guzar gae hain magar kitne sal bunte hue
wo kokh bhi na bachi wahshiyon ke hathon se
safed un hua lal lal bunte hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
