rind mansub bahar-kaif raha jam ke sath
riñd mansūb bahar-kaif rahā jaam ke saath
zikr aa jaatā hai apnā bhī tire naam ke saath
dil ne ehsās-e-tabāhī ko panapne na diyā
jaam gardish meñ rahā gardish-e-ayyām ke saath
zindagī ko kabhī tartīb mayassar na huī
ruḳh badalte rahe hālāt har ik gaam ke saath
aap to aap zamāna hai gurezāñ ham se
kaun rakhtā hai ta.alluq kisī badnām ke saath
hosh ko fursat-e-ehsās kahāñ baaqī thī
aañkh chaltī rahī saaqī kī har ik jaam ke saath
mashġhala koī nahīñ bāda-gusārī ke baġhair
aisā mānūs huā dil nigah-o-jām ke saath
shāmil-e-hāl rahīñ un kī jafā.eñ 'maz.har'
zindagī varna guzartī mirī ārām ke saath
rind mansub bahar-kaif raha jam ke sath
zikr aa jata hai apna bhi tere nam ke sath
dil ne ehsas-e-tabahi ko panapne na diya
jam gardish mein raha gardish-e-ayyam ke sath
zindagi ko kabhi tartib mayassar na hui
ruKH badalte rahe haalat har ek gam ke sath
aap to aap zamana hai gurezan hum se
kaun rakhta hai talluq kisi badnam ke sath
hosh ko fursat-e-ehsas kahan baqi thi
aankh chalti rahi saqi ki har ek jam ke sath
mashghala koi nahin baada-gusari ke baghair
aisa manus hua dil nigah-o-jam ke sath
shamil-e-haal rahin un ki jafaen 'mazhar'
zindagi warna guzarti meri aaram ke sath
- Book : Khamyazah (Pg. 91)
- Author : Sayed Mazhar gilani
- Publication : Sayed Suhail wajid Fauq (1978)
- Edition : 1978
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
