riwayaton ko kabhi tum asas mat karna
rivāyatoñ ko kabhī tum asaas mat karnā
maiñ lauT ā.ūñgā hargiz ye aas mat karnā
giraft-e-ḳhvāb se jis ne rihā.ī dī tum ko
vo ḳhud bhī jāgtā hogā qayās mat karnā
bikhar rahe ho to phir TūTtā bhī andar se
shikastagī ko tum apnā libās mat karnā
kiyā ho jaañ se guzarne kā faisla jis meñ
us ek lamhe ko sarf-e-hirās mat karnā
agarche haath meñ ho kāsa-e-gadā.ī bhī
ḳhudā ke ba.ad kisī kī sipās mat karnā
ḳhizāñ ke vaar se ghabrā ke ai 'jamīl' kabhī
shaguft-e-gul ke liye iltimās mat karnā
riwayaton ko kabhi tum asas mat karna
main lauT aaunga hargiz ye aas mat karna
giraft-e-KHwab se jis ne rihai di tum ko
wo KHud bhi jagta hoga qayas mat karna
bikhar rahe ho to phir TuTta bhi andar se
shikastagi ko tum apna libas mat karna
kiya ho jaan se guzarne ka faisla jis mein
us ek lamhe ko sarf-e-hiras mat karna
agarche hath mein ho kasa-e-gadai bhi
KHuda ke baad kisi ki sipas mat karna
KHizan ke war se ghabra ke ai 'jamil' kabhi
shaguft-e-gul ke liye iltimas mat karna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
