riya-kari ke dhandon mein na tu shamil na main shamil

riyā-kārī ke dhandoñ meñ na tū shāmil na maiñ shāmil

ḳhudā ke nek bandoñ meñ na tū shāmil na maiñ shāmil

vafā kī sūkhtī jhīloñ se lākhoñ kuuch karte haiñ

magar uḌte parindoñ meñ na tū shāmil na maiñ shāmil

tamāshā dekhte haiñ aap apnā aur hañste haiñ

hamāre dard-mandoñ meñ na tū shāmil na maiñ shāmil

abhī to bhīgte lamhoñ ne pahlā bhed paayā hai

abhī bārish kī būñdoñ meñ na tū shāmil na maiñ shāmil

chhalakte haiñ mohabbat rāstī aur harf ke pyāle

kaheñ kaise ki rindoñ meñ na tū shāmil na maiñ shāmil

fasād-o-qatl karte haiñ jo tere mere nāmoñ par

ilāhī in darindoñ meñ na tū shāmil na maiñ shāmil

na e.azāzāt aur PR nai seminar aur tamġhe

adab ke shar-pasandoñ meñ na tū shāmil na maiñ shāmil

riya-kari ke dhandon mein na tu shamil na main shamil

KHuda ke nek bandon mein na tu shamil na main shamil

wafa ki sukhti jhilon se lakhon kuch karte hain

magar uDte parindon mein na tu shamil na main shamil

tamasha dekhte hain aap apna aur hanste hain

hamare dard-mandon mein na tu shamil na main shamil

abhi to bhigte lamhon ne pahla bhed paya hai

abhi barish ki bundon mein na tu shamil na main shamil

chhalakte hain mohabbat rasti aur harf ke pyale

kahen kaise ki rindon mein na tu shamil na main shamil

fasad-o-qatl karte hain jo tere mere namon par

ilahi in darindon mein na tu shamil na main shamil

na eazazat aur PR nai seminar aur tamghe

adab ke shar-pasandon mein na tu shamil na main shamil