rizq-e-bar-haq mere hisse mein nahin aaya abhi

rizq-e-bar-haq mere hisse meñ nahīñ aayā abhī

tere hone par mujhe phir se yaqīñ aayā abhī

maiñ to kab se ḳhāna-e-dil ko sajā.e baiThā thā

ab ye us kī kam-nasībī gar makīñ aayā abhī

ye maza dasht-e-tamannā kī masāfat meñ milā

āsmāñ lagtā thā bas sū-e-zamīñ aayā abhī

jo sitāra muTThī meñ mahsūs hotā thā mujhe

vāqi'a yuuñ hai ki vo mere qarīñ aayā abhī

rizq-e-bar-haq mere hisse mein nahin aaya abhi

tere hone par mujhe phir se yaqin aaya abhi

main to kab se KHana-e-dil ko sajae baiTha tha

ab ye us ki kam-nasibi gar makin aaya abhi

ye maza dasht-e-tamanna ki masafat mein mila

aasman lagta tha bas su-e-zamin aaya abhi

jo sitara muTThi mein mahsus hota tha mujhe

waqi'a yun hai ki wo mere qarin aaya abhi