rog ulfat ka jise lag jae hai

rog ulfat kā jise lag jaa.e hai

lutf jiine kā vahī kuchh paa.e hai

yuuñ miTā jaatā hai rāh-e-ishq meñ

ḳhāk-e-parvāna yahī batlā.e hai

va.ada aane kā kiyā hai ā.eñge

ai dil-e-nādān kyoñ ghabrā.e hai

āh-e-mazlūmā se sach hai ham-nashīñ

āsmāñ kyā arsh bhī tharrā.e hai

aap ne shā.ir kahā shā.ir huuñ maiñ

shā.erī varna mujhe kab aa.e hai

sāhil-e-ummīd pā kar ai 'shafī.a'

kashtī-e-ummīd Duubī jaa.e hai

rog ulfat ka jise lag jae hai

lutf jine ka wahi kuchh pae hai

yun miTa jata hai rah-e-ishq mein

KHak-e-parwana yahi batlae hai

wada aane ka kiya hai aaenge

ai dil-e-nadan kyon ghabrae hai

aah-e-mazluma se sach hai ham-nashin

aasman kya arsh bhi tharrae hai

aap ne shair kaha shair hun main

shaeri warna mujhe kab aae hai

sahil-e-ummid pa kar ai 'shafia'

kashti-e-ummid Dubi jae hai