roiye mat miyan samajhte hain

roiye mat miyāñ samajhte haiñ

saarī majbūriyāñ samajhte haiñ

sab jinheñ be-zabāñ samajhte the

pyaar kī vo zabāñ samajhte haiñ

ham to bachpan se ek duuje kī

ḳhūbiyāñ ḳhāmiyāñ samajhte haiñ

kyā mohabbat ke mā'nī samjhā.eñ

aaj ke naujavāñ samajhte haiñ

ham to dhartī pe jaan dete haiñ

ham to dhartī ko maañ samajhte haiñ

ḳhuub vāqif haiñ apne bachchoñ se

baaġh ko bāġhbāñ samajhte haiñ

kitnā saada mizāj hai un kā

haañ kā matlab bhī haañ samajhte haiñ

kyā mohabbat hai jānte haiñ 'faiz'

ham ki aThkheliyāñ samajhte haiñ

roiye mat miyan samajhte hain

sari majburiyan samajhte hain

sab jinhen be-zaban samajhte the

pyar ki wo zaban samajhte hain

hum to bachpan se ek duje ki

KHubiyan KHamiyan samajhte hain

kya mohabbat ke ma'ni samjhaen

aaj ke naujawan samajhte hain

hum to dharti pe jaan dete hain

hum to dharti ko man samajhte hain

KHub waqif hain apne bachchon se

bagh ko baghban samajhte hain

kitna sada mizaj hai un ka

han ka matlab bhi han samajhte hain

kya mohabbat hai jaante hain 'faiz'

hum ki aThkheliyan samajhte hain