apnon ne wo ranj diye hain begane yaad aate hain
apnoñ ne vo ranj diye haiñ begāne yaad aate haiñ
dekh ke us bastī kī hālat vīrāne yaad aate haiñ
us nagrī meñ qadam qadam pe sar ko jhukānā paḌtā hai
us nagrī meñ qadam qadam par but-ḳhāne yaad aate haiñ
āñkheñ pur-nam ho jaatī haiñ ġhurbat ke sahrāoñ meñ
jab us rim-jhim kī vaadī ke afsāne yaad aate haiñ
aise aise dard mile haiñ na.e dayāroñ meñ ham ko
bichhḌe hue kuchh log purāne yārāne yaad aate haiñ
jin ke kāran aaj hamāre haal pe duniyā hañstī hai
kitne zālim chehre jaane pahchāne yaad aate haiñ
yuuñ na luTī thī galiyoñ daulat apne ashkoñ kī
rote haiñ to ham ko apne ġham-ḳhāne yaad aate haiñ
koī to parcham le kar nikle apne garebāñ kā 'jālib'
chāroñ jānib sannāTā hai dīvāne yaad aate haiñ
apnon ne wo ranj diye hain begane yaad aate hain
dekh ke us basti ki haalat virane yaad aate hain
us nagri mein qadam qadam pe sar ko jhukana paDta hai
us nagri mein qadam qadam par but-KHane yaad aate hain
aankhen pur-nam ho jati hain ghurbat ke sahraon mein
jab us rim-jhim ki wadi ke afsane yaad aate hain
aise aise dard mile hain nae dayaron mein hum ko
bichhDe hue kuchh log purane yarane yaad aate hain
jin ke karan aaj hamare haal pe duniya hansti hai
kitne zalim chehre jaane pahchane yaad aate hain
yun na luTi thi galiyon daulat apne ashkon ki
rote hain to hum ko apne gham-KHane yaad aate hain
koi to parcham le kar nikle apne gareban ka 'jalib'
chaaron jaanib sannaTa hai diwane yaad aate hain
- Book : Kulliyat-e-Habib Jalib (Pg. 79)
- Author : Habib Jalib
- Publication : Tahir Sons Publishers (2012)
- Edition : 2012
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
