roz dohraenge jab sham-o-sahar ki tariKH

roz dohrā.eñge jab shām-o-sahar kī tārīḳh

kaise badlegī bhalā aap ke ghar kī tārīḳh

un fazāoñ meñ koī baḌh ke dikhā.e to kamāl

ḳhud-ba-ḳhud hogī raqam bāzū-e-par kī tārīḳh

apne bachchoñ ko na deñ paa.e kabhī koī ḳhushī

sirf ham likhte rahe apne hunar kī tārīḳh

lūTne vaale kabhī luuT na pā.eñge mujhe

maiñ batā dūñgā agar raḳht-e-safar kī tārīḳh

apnī tārīḳh pe is darja bharosā haiñ hameñ

ham na dekheñge idhar aur udhar kī tārīḳh

laakh be-yār-o-madadgār phire sāhil par

qaid rahtī hai sadaf meñ hī guhar kī tārīḳh

'mīr'-o-'ġhālib' jinheñ kahtā hai zamāna 'shāhid'

un ke har sher meñ hai fikr-o-nazar kī tārīḳh

roz dohraenge jab sham-o-sahar ki tariKH

kaise badlegi bhala aap ke ghar ki tariKH

un fazaon mein koi baDh ke dikhae to kamal

KHud-ba-KHud hogi raqam bazu-e-par ki tariKH

apne bachchon ko na den pae kabhi koi KHushi

sirf hum likhte rahe apne hunar ki tariKH

luTne wale kabhi luT na paenge mujhe

main bata dunga agar raKHt-e-safar ki tariKH

apni tariKH pe is darja bharosa hain hamein

hum na dekhenge idhar aur udhar ki tariKH

lakh be-yar-o-madadgar phire sahil par

qaid rahti hai sadaf mein hi guhar ki tariKH

'mir'-o-'ghaalib' jinhen kahta hai zamana 'shahid'

un ke har sher mein hai fikr-o-nazar ki tariKH