roz-e-awwal se mahw-e-yas hun main

roz-e-avval se mahv-e-yās huuñ maiñ

apne har karb kī asaas huuñ maiñ

aaj ke din ḳhushī milī thī mujhe

aaj ke din bahut udaas huuñ maiñ

kaun dekhegā mere ḳhvāb miyāñ

ḳhūbsūrat na ḳhush-libās huuñ maiñ

aaj mere gumān meñ tum ho

aaj goyā tumhāre paas huuñ maiñ

fikr merī na kījiye sāhib

ḳhud-nigar aur ḳhud-shanās huuñ maiñ

gulshan-e-shā.erī meñ ai gul-chīñ

gul-e-nau-ḳhāsta kī baas huuñ maiñ

ḳhush-gumānī hai is qadar 'kāshif'

ye ki shahr-e-suḳhan kī aas huuñ maiñ

roz-e-awwal se mahw-e-yas hun main

apne har karb ki asas hun main

aaj ke din KHushi mili thi mujhe

aaj ke din bahut udas hun main

kaun dekhega mere KHwab miyan

KHubsurat na KHush-libas hun main

aaj mere guman mein tum ho

aaj goya tumhaare pas hun main

fikr meri na kijiye sahib

KHud-nigar aur KHud-shanas hun main

gulshan-e-shaeri mein ai gul-chin

gul-e-nau-KHasta ki bas hun main

KHush-gumani hai is qadar 'kashif'

ye ki shahr-e-suKHan ki aas hun main