roz nafrat-zada aasar ko paDhte paDhte

roz nafrat-zada āsār ko paḌhte paḌhte

mar na jā.ūñ kahīñ aḳhbār ko paḌhte paḌhte

vaqt kī chaal ko likh paane kī sūrat nāpaid

tiir chal jaate haiñ talvār ko paḌhte paḌhte

dar banāne ke irāde rakhe rah jaate haiñ

niiñd aa jaatī hai dīvār ko paḌhte paḌhte

kaun paḌh pā.egā āñkhoñ ke ishāroñ ko bhalā

aa.ina kho gayā ruḳhsār ko paḌhte paḌhte

ham ko mā'lūm nahīñ kaise ham apne ghar tak

aa ga.e kūcha-o-bāzār ko paḌhte paḌhte

saare uljhāv ke mansūbe koī or na chhor

huuñ pas-o-pesh meñ sarkār ko paḌhte paḌhte

kitne armān use dekh ke jaage the 'suman'

so ga.e sab lab-e-iqrār ko paḌhte paḌhte

roz nafrat-zada aasar ko paDhte paDhte

mar na jaun kahin aKHbar ko paDhte paDhte

waqt ki chaal ko likh pane ki surat napaid

tir chal jate hain talwar ko paDhte paDhte

dar banane ke irade rakhe rah jate hain

nind aa jati hai diwar ko paDhte paDhte

kaun paDh paega aankhon ke ishaaron ko bhala

aaina kho gaya ruKHsar ko paDhte paDhte

hum ko ma'lum nahin kaise hum apne ghar tak

aa gae kucha-o-bazar ko paDhte paDhte

sare uljhaw ke mansube koi or na chhor

hun pas-o-pesh mein sarkar ko paDhte paDhte

kitne arman use dekh ke jage the 'suman'

so gae sab lab-e-iqrar ko paDhte paDhte