ruk ruk ke kabhi muD ke tujhe dekh raha hun

ruk ruk ke kabhī muḌ ke tujhe dekh rahā huuñ

maiñ terī judā.ī se bahut ḳhauf-zada huuñ

us shaḳhs se milne kī jasārat hī nahīñ kī

ḳhvāboñ ke darīche se jise jhāñk rahā huuñ

maiñ tundī-e-hālāt se ḳhā.if nahīñ hotā

ai ḳhāk-nashīno maiñ bagūloñ meñ palā huuñ

duurī kī koī lahr na le jaa.e bahā kar

chāhat ke samundar meñ safar kar to rahā huuñ

ik samt añdherā hai to ik samt kaḌī dhuup

hālāt ke ik aise dorāhe pe khaḌā huuñ

har samt na.e dukh ke samundar kī sadā hai

maiñ tark-e-ta.alluq ke jazīre pe khaḌā huuñ

tum qat-e-marāsim pe ho āmāda to kyā hai

ye zahr to ik umr se maiñ chaaT rahā huuñ

aa.egī mire jism se iḳhlās kī ḳhushbū

maiñ phuul huuñ aur pyaar kī Tahnī pe sajā huuñ

ruk ruk ke kabhi muD ke tujhe dekh raha hun

main teri judai se bahut KHauf-zada hun

us shaKHs se milne ki jasarat hi nahin ki

KHwabon ke dariche se jise jhank raha hun

main tundi-e-haalat se KHaif nahin hota

ai KHak-nashino main bagulon mein pala hun

duri ki koi lahr na le jae baha kar

chahat ke samundar mein safar kar to raha hun

ek samt andhera hai to ek samt kaDi dhup

haalat ke ek aise dorahe pe khaDa hun

har samt nae dukh ke samundar ki sada hai

main tark-e-talluq ke jazire pe khaDa hun

tum qat-e-marasim pe ho aamada to kya hai

ye zahr to ek umr se main chaT raha hun

aaegi mere jism se iKHlas ki KHushbu

main phul hun aur pyar ki Tahni pe saja hun