ruKH-e-raushan ko be-naqab na kar

ruḳh-e-raushan ko be-naqāb na kar

dil kī duniyā meñ inqalāb na kar

aa.ina rakh na sāmne us ke

husn ḳhud-bīñ ko lā-javāb na kar

chār-sū jalva-gar tū hī tū hai

ā.ina-ḳhāna meñ hijāb na kar

mere naġhmoñ meñ kaif-e-ġham bhar de

mujh ko minnat-kash-e-rabāb na kar

merī aḳhtar-shumāriyāñ mat pūchh

apne va.adoñ kā kuchh hisāb na kar

baḳht-dāzoñ ko ro rahā huuñ maiñ

ġham-zada par falak azaab na kar

rāh-e-pur-ḳhār hai abhī dar-pesh

ābloñ kā abhī hisāb na kar

'shauq' hai terā muntazir kab se

ab to sūrat dikhā hijāb na kar

ruKH-e-raushan ko be-naqab na kar

dil ki duniya mein inqalab na kar

aaina rakh na samne us ke

husn KHud-bin ko la-jawab na kar

chaar-su jalwa-gar tu hi tu hai

aaina-KHana mein hijab na kar

mere naghmon mein kaif-e-gham bhar de

mujh ko minnat-kash-e-rabab na kar

meri aKHtar-shumariyan mat puchh

apne wadon ka kuchh hisab na kar

baKHt-dazon ko ro raha hun main

gham-zada par falak azab na kar

rah-e-pur-KHar hai abhi dar-pesh

aablon ka abhi hisab na kar

'shauq' hai tera muntazir kab se

ab to surat dikha hijab na kar