ruKH nazar ka kabhi idhar na hua
ruḳh nazar kā kabhī idhar na huā
dil ko hasrat rahī jigar na huā
hijr kī shab to jān-levā thī
din judā.ī kā bhī basar na huā
us ke alfāz dil meñ chubhte haiñ
koī fiqra bhī be-asar na huā
bazm meñ sau maqām badle haiñ
ruḳh tumhārā kabhī udhar na huā
vasl likkhā thā merī qismat meñ
be-kasī dekhiye magar na huā
hijr ne dam pe ye banā dī thī
ham se naala bhī rāt-bhar na huā
umr-bhar us kī taak hī meñ rahe
dhyān apnā idhar-udhar na huā
us ke jalve se thā jahāñ ma.amūr
ġhair kā zikr bhuul kar na huā
us ko āshiq na samjho ai 'shañkar'
jo fidā us ke naam par na huā
ruKH nazar ka kabhi idhar na hua
dil ko hasrat rahi jigar na hua
hijr ki shab to jaan-lewa thi
din judai ka bhi basar na hua
us ke alfaz dil mein chubhte hain
koi fiqra bhi be-asar na hua
bazm mein sau maqam badle hain
ruKH tumhaara kabhi udhar na hua
wasl likkha tha meri qismat mein
be-kasi dekhiye magar na hua
hijr ne dam pe ye bana di thi
hum se nala bhi raat-bhar na hua
umr-bhar us ki tak hi mein rahe
dhyan apna idhar-udhar na hua
us ke jalwe se tha jahan mamur
ghair ka zikr bhul kar na hua
us ko aashiq na samjho ai 'shankar'
jo fida us ke nam par na hua
- Book : Dair-o-Haram (Pg. 104)
- Author : Shankar Lal Shankar
- Publication : Sahir Hoshiyaar puri
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
