ruKH se parda jo haTa do to maza aa jae

ruḳh se parda jo haTā do to mazā aa jaa.e

apnā chehra jo dikhā do to mazā aa jaa.e

dūriyāñ Dastī haiñ har shab mujhe sāñpoñ kī tarah

fāsle aa ke miTā do to mazā aa jaa.e

merī āvāz akelī bhī hai maddham bhī hai

tum jo āvāz milā do to mazā aa jaa.e

chāñd ke misl nigāhoñ meñ hasīñ chehra hai

ġham ke bādal ko havā do to mazā aa jaa.e

jang kartā hai zamāne se akelā 'hānī'

tum agar saath nibhā do to mazā aa jaa.e

ruKH se parda jo haTa do to maza aa jae

apna chehra jo dikha do to maza aa jae

duriyan Dasti hain har shab mujhe sanpon ki tarah

fasle aa ke miTa do to maza aa jae

meri aawaz akeli bhi hai maddham bhi hai

tum jo aawaz mila do to maza aa jae

chand ke misl nigahon mein hasin chehra hai

gham ke baadal ko hawa do to maza aa jae

jang karta hai zamane se akela 'hani'

tum agar sath nibha do to maza aa jae