rula rula hi ke mujhse chalo mile to sahi

rulā rulā hī ke mujh se chalo mile to sahī

vo mujh ko chāhtā hai ye mujhe lage to sahī

maiñ us kī bātoñ kā āḳhir yaqīn kyoñ na karūñ

vo ham-kalām ho mujh se nazar mile to sahī

vo mehrbān ho mujh par ye ho to saktā hai

magar ye harf-e-guzārish kabhī khule to sahī

hamāre zaḳhm ko hai ḳhud hī indimāl kā shauq

vo narm lahja liye is taraf baḌhe to sahī

kabhī kabhī to bahut vo burā lagā hai mujhe

magar maiñ kyā kahūñ dil se burā lage to sahī

maiñ hañs ke miltī rahī sab se aaj mahfil meñ

ye soch kar ke chalo aaj ye jale to sahī

maiñ bhuul jā.ūñgī us kī jafāoñ ko 'anjum'

malāl us ko bhī hai ye pata chale to sahī

rula rula hi ke mujh se chalo mile to sahi

wo mujh ko chahta hai ye mujhe lage to sahi

main us ki baaton ka aaKHir yaqin kyon na karun

wo ham-kalam ho mujh se nazar mile to sahi

wo mehrban ho mujh par ye ho to sakta hai

magar ye harf-e-guzarish kabhi khule to sahi

hamare zaKHm ko hai KHud hi indimal ka shauq

wo narm lahja liye is taraf baDhe to sahi

kabhi kabhi to bahut wo bura laga hai mujhe

magar main kya kahun dil se bura lage to sahi

main hans ke milti rahi sab se aaj mahfil mein

ye soch kar ke chalo aaj ye jale to sahi

main bhul jaungi us ki jafaon ko 'anjum'

malal us ko bhi hai ye pata chale to sahi