rut ne riwayat ke ruKH badle har masud saud gaya

rut ne rivāyat ke ruḳh badle har mas.ūd sa.uud gayā

sadqoñ se mafqūd hue dil ma.abad se ma.abūd gayā

do fasleñ do naddī kināre aapas meñ kyā un kā rishta

ghar meñ girī jab imlī pak kar baaġh se tab amrūd gayā

maut mohabbat kī var-mālā chitā svayamvar aag doshālā

pyaar piyā kī priit kā pyāsā naar anhār meñ kuud gayā

chāTī aur chūlhā sab auñdhe be-masraf baiThī hai gorī

bhor bha.e bastī se bik kar shahr kī jānib duudh gayā

chhoḌ ke kavitā kyā kuchh paayā dost tujhe aur naam gañvāyā

ye din ye sin hue akārat ye jīvan be-sūd gayā

rañg dukānoñ kī ra.anā.ī ḳhushbū dargāhoñ kī zīnat

zulf-e-mo.ambar ab ban ambar sej suhāg se uud gayā

sakhiyāñ sañgat dahī pakauḌe haalī khetiyāñ khaad ke toḌe

duur talak in qariyoñ qasboñ barkhā rutoñ kā ruud gayā

rut ne riwayat ke ruKH badle har masud saud gaya

sadqon se mafqud hue dil mabad se mabud gaya

do faslen do naddi kinare aapas mein kya un ka rishta

ghar mein giri jab imli pak kar bagh se tab amrud gaya

maut mohabbat ki war-mala chita swayamwar aag doshaala

pyar piya ki prit ka pyasa nar anhaar mein kud gaya

chaTi aur chulha sab aundhe be-masraf baiThi hai gori

bhor bhae basti se bik kar shahr ki jaanib dudh gaya

chhoD ke kawita kya kuchh paya dost tujhe aur nam ganwaya

ye din ye sin hue akarat ye jiwan be-sud gaya

rang dukanon ki ranai KHushbu dargahon ki zinat

zulf-e-moambar ab ban ambar sej suhag se ud gaya

sakhiyan sangat dahi pakauDe haali khetiyan khad ke toDe

dur talak in qariyon qasbon barkha ruton ka rud gaya