ru-ba-ru phir se uski aankhen thin

rū-ba-rū phir se us kī āñkheñ thiiñ

phir se mushkil meñ ye mirā dil thā

us se iz.hār kar sakī na maiñ

jo mirī shā.irī kā hāsil thā

jo masīhā thā merī bastī meñ

ik vahī shaḳhs merā qātil thā

us kī āñkhoñ kā dosh thā saarā

ruuh chhalnī thī dil bhī ghā.il thā

us ko fursat nahīñ thī sunñe kī

haal kahnā bhī us se mushkil thā

na maiñ bolī na us ne pūchhā kuchh

maiñ bhī ziddī thī vo bhī pāgal thā

dil pe rakhtā vo haath sun letā

vo mirī dhaḌkanoñ meñ shāmil thā

nīm-shab meñ thā vo duāoñ meñ

tar-ba-tar āñsuoñ meñ āñchal thā

merī āñkheñ bhī paḌh sakā na vo

haa.e vo shaḳhs kitnā pāgal thā

us ke hāthoñ meñ thī shifā lekin

dard merā hī ab musalsal thā

phir mirā mas.ala hī aisā thā

merī mushkil kā ek hī hal thā

bhuul jaatī use 'kañval' lekin

bhuul jaanā bhī us ko mushkil thā

ru-ba-ru phir se us ki aankhen thin

phir se mushkil mein ye mera dil tha

us se izhaar kar saki na main

jo meri shairi ka hasil tha

jo masiha tha meri basti mein

ek wahi shaKHs mera qatil tha

us ki aankhon ka dosh tha sara

ruh chhalni thi dil bhi ghail tha

us ko fursat nahin thi sunne ki

haal kahna bhi us se mushkil tha

na main boli na us ne puchha kuchh

main bhi ziddi thi wo bhi pagal tha

dil pe rakhta wo hath sun leta

wo meri dhaDkanon mein shamil tha

nim-shab mein tha wo duaon mein

tar-ba-tar aansuon mein aanchal tha

meri aankhen bhi paDh saka na wo

hae wo shaKHs kitna pagal tha

us ke hathon mein thi shifa lekin

dard mera hi ab musalsal tha

phir mera masala hi aisa tha

meri mushkil ka ek hi hal tha

bhul jati use 'kanwal' lekin

bhul jaana bhi us ko mushkil tha